چور
د وصال بزم ته راوړې جام د شونډو
داسې ښکاري چې جنت ته انطهور وړې
چې دې خوی ته په حسرت کې ښاپیرۍدي
د هرې یوې زړه ته داغونه د ناسور وړې
چې په هر پل کې د ناز بزغلي کرې
د عالم د زړو نیازونه به ضرور وړې
چې د شونډو غوټۍ و سپړې خندا ته
غوړیدلی باغ ته ،ته د ګل تربور وړې
چې ښکاره شې جنازو باندې د هیلو
د ماتم محفل ته یې ته موج د سرور وړې
سترګې جام ،شونډی پیاله ، تن دې ښیښه ده
یو جهان تاکستان زړونه، ته په چور وړې
