ګونو کې پرته ده
په ګس لاس کې ېې چوسني کلکه نيولې
يو تعويذ چې په سپين مزي سره څرمن کې
د مرۍ نه ېې په ګروي اوېزان دی
اننګی ېې لږ په دوړو باندې خړ دی
قراغې سترګې ، وازه خلۀ
له ويرې مړ دی
غبرګ لاسونه ېې واز کړي
لکه غېږې ته د مور چې هوس کاندي
د اوګو او ملا د لاندې
د سېزنۍ يو څو لړونه
د شګلوړي نه په ترڅ کې
خټکۍ او پتون لاندې
د وړڼي پيڅکی ښکاريږي
لږه وينه پکې چم ده
سره ټنګرې ټنګرې پرته ده
د پوښتو په لاندې بريد ېې
يو ګولۍ جوړ کړی غار دی
وحشتونه ترې راڅاڅي
چې سينه او ډونګه بئېل دي
د امغانو د مېنځ لور ته
ېې د وينو کرښې تلي
چې کچه وړه پچۍ ېې
په سرو وينو لمبېدلې
ايله تته ښکاريدله
چې تازه تازه سونت دی
د کنجکو پېکړه ېې
د ښۍ پپې نه ده چاپېره
د تصوير د فريم د پاسه
په نري شانله يو تار کې
يو کاغذ را اوېزان دی
چې د پاسه پرې ليکل دي
